Malabon issues ordinance on registration of certificates

Ipinasa ng Sangguniang Panlungsod ang City Ordinance No. 26-2020 na nagtatakda ng mandatory registration ng Certificate of Live Birth sa Local Civil Registry Department mula sa mga paanakan o ospital sa loob ng 30 araw mula pagkapanganak.

Para naman sa mga hindi kasal ang magulang ng batang isinilang, mandatory para sa mga magulang ang pagpaparehistro ng Birth Certificate ng kanilang mga anak sa loob ng 30 araw mula pagkapanganak.

Mandatory na rin ang pagpaparehistro ng mga punerarya ng Certificate of Death sa Civil Registry sa loob ng 30 araw mula pagkamatay.

Ang sinumang lalabag sa ordinansa ay papatawan ng P5,000 multa o pagkakakulong ng isang buwan at isang araw hanggang tatlong buwan.

Ang Mayor’s Permit ng lalabag na birthing clinic, hospital, o funeral parlor ay sususpendehin ng isang buwan sa unang paglabag; sususpendehin ng tatlong buwan sa pangalawang paglabag; at babawiin sa pangatlong paglabag.

Para sa ilang katanungan, maaaring bisitahin ang Local Civil Registry Department sa Malabon City Hall, 3rd floor, mula ika-8 ng umaga hanggang ika-3 ng hapon, o bisitahin ang kanilang Facebook Page sa link na: http://bit.do/malaboncivilregistry